Así foi a proba "Divulgación Científica" na Xornada da I Olimpíada da Enerxía. Galería de fotos

Os equipos participantes na proba “Divulgación Científica” recibiron nos centros educativos dous temas/conceptos para escoller un. Os temas propostos foron os seguintes:

Como se xera a enerxía eléctrica nun parque eólico?
Como se xera a enerxía necesaria para refrixeración, calefacción e auga quente sanitaria para unha casa con xeotermia?

Unha vez seleccionado o tema o equipo traballouno no centro e preparou os materiais e recursos que consideraron oportunos: gráficos, presentacións, vídeos, maquetas, infografías, carteis, probas experimentais, xogos, etc.… Para explicarlle ao alumnado do IES de Valadares (público non especializado) o tema elixido.

A proba levouse a cabo o día da Xornada da Olimpíada (9 abril), onde cada equipo explicou o tema nun tempo limitado de máximo 15 minutos. Tamén responderon ás preguntas e cuestións que expuso o colectivo de interese.

Ao rematar a proba fíxose un pequeno cuestionario ao público de cada equipo para comprobar se aprenderan algo durante a explicación.

Un equipo de profesorado da Escola de Enxeñaría de Minas e Enerxía foi o tribunal encargado de puntuar aos equipos participantes.